Dekorationsbild
Dekorationsbild

Åarjelsaemiengïele - Hijven daejredh jolleskuvleööhpehtimmiej bïjre

Sijhth lohkedh jolleskuvlesne jallh universitetesne dellie goh learohkinie maahtah saernieh gaavnedh daesnie studera.nu.

Jolleskuvleööhpehtimmien bïjre — daarjoeh daajroes veeljemem


Dah mah jolleskuvlesne lohkeme aelhkebe utnieh barkoem åadtjodh enn dah mah eah jåarhkemeskuvlesne lohkeme. Daarjoeh daam maam dutnjien luste leah gosse ööhpehtimmiem veeljedh dellie lustebe sjädta lohkedh.

Magkeres ööhpehtimmie bööremes?


Iktesth hijven lohkedh, men goerehtallh jijnjem eannan veeljh maam sijhth lohkedh daejnie viehkine "Sök och jämför utbildning". Desnie maahtah ööhpehtimmieh, universiteth jïh jolle- skuvleh mohtedidh jïh dovne vuartasjidh magkeres barkoehmaarhnah gååvnesh sjïere dajvine. Datne aaj maahtah vuejnedh maam Jolleskuvlevïerhkie/Universitetskanslersämbetet jeahta ööhpehtimmien bïjre man hijven dïhte lea.

Ööhpehtimmie-åejvie datnem vïehkehte


Goerehtallh maam sijhth jïh magkeres nuepieh åtnah, ööhpehtimmie-åejvine ektesne. Datne ööhpehtimmie-åejviem gaavnh jåarhkeskuvlesne, komvuxesne jïh universitetesne.
Ohtsh jïh ööhpehtimmiej mohtehth »

Maahtoeh jïh bäjhkoehtimmie — dïhte naemhtie


Jijnjh aath mejtie stuvrie gieh ööhpehtämman dååhkasjehtieh:
  • man jeenjesh ööhpehtämman bäjhkoehtamme
  • magkeres maahtoevierhtie datne åtnah jïh dah nubpie gieh bäjhkoehtamme
  • man gellieh sijjieh gååvnesh ööhpehtimmesne
Gaajhkh ööhpehtimmieh jolleskuvlesne maahtoekrïepesjem utnieh. Dellie datne tjoerveramme kuvsjide lohkeme jåarhkeskuvledaltesne mejtie krïepesjh ööhpehtimmiem vaeltedh. Datne aaj maahteme almetjeskuvlesne lohkeme jallh jeatjhlaakan ööhpehtimmiem vaalteme. Daam gohtjoe reell/tjïelke maahtojne.

Jis jienebh ööhpehtimmiem ohtsh jih ij sijjieh gååvnesh, dellie veeljieh dehtie gieh maahtoem utnieh. Veeljemisnie gaajhkide biejieh maahtoevierhtien mietie ööhpehtämman. Dov maahtoevierhtiem ryöknoeh fïerhtene ööhpehtämmam mejtie ohtsh jïh jåarhkekuvsjh gååvnesh mejtie lissie maahtoevïerhtiem vadta. Saernieh maahtoen, veeljemen jïh maahtoevierhtien bïjre gååvnesh daesnie studera.nu.

Bäjhkoehtimmie


Bäjhkoehtimmie daesnie Antagning.se. Datnem maehtieh stööremes 45 jolleskuvlelåhkojne dååhkasjehtedh (siejhme terminesne 30 jolleskuvlelåhkoeh).  Tjoerh voestes säjjan biejedh maam eeremes sijhth lohkedh.

Jolleskuvlepryövoe — ij maam gännah dassh


Jolleskuvlepryövoe dutnjien vielie nuepiem vadtah ööhpehtämmen dååhkasjehtedh. Jijnjemes ööhpehtimmine sijjide dievhtieh jolleskuvlepryövoen mietie. Jis datne maahtoem åtna jïh jolleskuvlepryövoem tjaaleme dellie drïekte veeljemedåahkan båatah mij bööremes dutnjien- vïerhtie jallh pryövoe.

Gaajhkh dovnesh åadtjoeh pryövoem tjaeledh, seamma man båeries, veasoje jallh ööhpehtimmiem åtnah. Gaajhkem dovnem maam darjodh lea bäjhkoehtidh jïh bäjhkoehtimmiemaaksoem 350 krovnine maeksedh.

Minngemes bäjhkoehtimmiebiejjie


Minngemes bäjhkoehtimmiebiejjie fïerhtene goevten 15 gïjrepryövose jïh skiereden 15 tjaktjepryövose. Datume pryövose jeatjahtåvva.
Lohkh vielie daesnie »

Lohkedh ålkoelaantesne — jienebh jienebh daam darjoeh


Datne raerieh gaavnh daesnie studera.nu jïh lästoem saernine dah 60 laantij bïjre gåabph svïenske lerohkh jijnjemes vuelkieh lohkhieh. Åvtebarkoe lohkememn åvtelen maahte abpe jaepesne.

Låtnoeh ööhpehtimmieh


Jis datnem svïenske universitetese dååhkasjehteme datne nuepiem åtnah låtnoeprograamesne meatan årrodh (vg. Nordplus jallh Erasmus) Europasne lohkedh. Dov jolleskuvle datnem viehkesjadta dov ålkoelaanten ööhpehtimmiem dov eksamenasse ryöknedh.

Jijtjedh gïetine freemoverlearohkinie


Datne maahtah jijtje ööhpehtämman ålkoelaantesne ohtsedh gaavnedh. Daamtah daarpesjh dååhkasjimmie jåarhkeskuvlevïerhtiem jïh dååhkasjimmie gïelepryövoem utnedh. Bïevnesh universitetem gusnie jïermehth lohkedh saernieh mietie.
Lohkh vielie daesnie »

Lohkh distansesne — vaeltieh jolleskuvlem gåatan


Ih daarpesjh vielie fuelhkiem jallh ööhpehtimmien gaskoeh veeljedh, boelhebarkoem jallh ööhpehtimmiem gaskoeh, ålkoelaanteårroem jallh ööhpehtimmiem gaskoeh. Datne gieh  disiplinem jijtje jïh iedtjem åtnah maahtah gåabpatjahkh darjodh! Medtie fïerhtene gåalmede learohke distansesne Sveerjesne låhka.

Datovre jïh gaskevïermie


Datne daarpesjh datovrene maehtjeles årrodh jïh hijven gaskevïermiem utnedh dov datovrese. Dagke daarpesjh sjïere provgrammem utnedh jïh webbekameram, mikrofovnem jïh bieljiedirregh dov webbetjåangkojde.

Learoejarnge


Distanse-ööhpehtimmieh gååvnesh gusnie ih daarpesjh naan aejkien meatan årrodh. Jis ih sijhth gåetesne tjaahkasjidh lohkedh maahtah vg. Learojarngeste meatan årrodh dov årromesijjeste. Desnie barkijh, datovrh jïh jeatja dirregh gååvnesh mejtie daarpesjh. Maahtah tentamemem aaj desnie tjaeledh. Muvhth jolleskuvlh abpe ööhpehtimmieh learoejarngesne vedtieh. Jolleskuvle dan bïjre bievnese.

Lohkh vielie daesnie  distansstudier »

Naasjovne unnebelåhkoej gïelh — dah jolleskuvlesne gååvnesh?


Jolleskuvle gååvnese mejtie dïedtem åtna fïere guhte unnebelåhkoej gïelide. Faaleldahkh ööhpehtimmijste lea onne. Jienebh reeremetjïelth sjidtieh jïh desnie saemieh, sveerjensåemieh, jïh tornedaelieh stuerebe reaktam åådtjeme jijtjedh gïelem lieredh jïh nuhtjedh. Dan åvteste aarhskuvlelohketäjjah jïh lohkehtäjjieh daarpesjibie mejtie maehtieh
naasjovne unnebelåhkoej gïeline ööhpehtidh. Seamma daarpoeh lohkeme almetjijstie håksosne aaj mah maehtieh båeries håksosne barkedh gïeline mah soptsestieh.

Upmijen universitete daelie naasjovne dïedtem åtna saemien gïeline men dovne  jeatja universiteth jïh jolleskuvlhööhpehtimmieh gååvnesh mah ööhpehtimmieh utnieh saemien gïelesne jïh kultuvresne.
Lohkh vielie Upmejen universiteten webbesijjesne (orre klaase) »

Jolleskuvlevïerhke tjaaktjen 2011 tjilkedimmiem reerenassese vaadteme, Lärarförsörjningen för de nationella minoriteterna- hur kan den tryggas? Redovisning av ett regeringsuppdrag Tjilkestimmien sisvegisnie raeriestamme  guhte jolleskuvleh åadtjoeh naasjovnelle dïedtem utnedh dah vijhte nasjovnelle unnebelåhkoej gïeline ektesne lohkehtäjja-ööhpehtimmine.
Lohkh vielie tjilkedimmien bïjre (orre klaase) »

Lïengkh


Datne jolleskuvle-ööhpehtämman bäjhkohth daesnie antagning.se.
Antagning.se (orre klaase) »

CSN såårne ööhpehtimmiedåarjegen bïjre
CSN (orre klaase) »

Jolleskuvlevïerhke ööhpehtimmide vierhtehte jïh lohketäjjaj reaktajearsoem vååksje.
Jolleskuvlevïerhkie/Högskoleverket (orre klaase) »

Internaasjovne programmesijiie låtnoe-ööhpehtimmien bïjre beavna.
Programmesijjie/programkontoret (orre klaase) »

YH-myndigheten informerar om yrkeshögskoleutbildningar
YH-myndigheten (nytt fönster) »

Hitta vad som intresserar dig med hjälp av Yrkeskompassen på Arbetsförmedlingen
Yrkeskompassen (nytt fönster) »

Fler liknande artiklar