Sïjhth jïlleskuvlesne jallh universiteetesne lohkedh dellie gååvnesieh maam daarpesjh daejredh Studere.nu sæjrosne.

Jïlleskuvleööhpehtimmien bïjre — darjoeh  iedtjeles veeljemem

Dej gïeh jïlleskuvleööhpehtimmiem utnieh dejtie aelhkebe barkoem åadtjodh. Aelkieh dejnie maam datne maahtah jallh tuhtjh luste gosse ööhpehtimmiem veeljedh, dellie luste sjædta lohkedh.

Mij ööhpehtimmide bööremes?  

Iktesth hijven lohkedh, men goerehtallh dan jïjnjh man gåarede åvteli veeljh maam sïjhth lohkedh daejnie viehkine “Jämför utbildning". Daesnie maahtah ööhpehtimmiej jïh jïlleskuvli mohtedidh jïh aaj vuartesje guvviem barkoemaarhkeste ovmessie suerkine. Maahtah aaj vuejnedh maam Universitetskanslerämbete lea jeahteme ööhpehtimmien kvalitehten bïjre.

Studijetsïegle datnem viehkehte

Goerehtallh maam sïjhth jïh mij nuepide åtnah studijetsïeglen ektesne. Tsïeglide jåarhkeskuvlesne, komvux:esne jïh universiteetine jïh jïlleskuvline gaavnh.

Hitta och jämför utbildning

Maahtoeh jïh ohtseme — dïhte naemhtie

Jienebe aath mah stuvrieh gïe ööhpehtæmman dåhkasjehtieh:

  • man gellie ööhpehtæmman bæjhkoehtamme
  • mij meritevierhtiem datne jïh dah jeatjah utnedh
  • man gellie sijjieh ööhpehtimmesne gååvnesieh

Ovmessie ööhpehtimmieh jïlleskuvlesne ovmessie maahtoekrïevemh utnieh. Dïhte sæjhta jiehtedh tjoerh dah kuvsjh jåerhkeskuvledaltesisnie mejtie kreava juktie dam ööhpehtimmiem åadtjoeh lohkedh. Maahtah aaj åålmehskuvlesne maahtoem lohkeme. Jis ih utnieh formellen merith mohte seamma maahtoem jeatjah vuekine skååffeme, maahta ryöknesovvedh datne maahtoem åtnah. Dam gohtje reelle maahtoem.

Jis jienebh ööhpehtæmman ohtsedieh enn sijjieh gååvnesieh, dellie veeljieh dejstie gïeh maahtoem utnieh. Veeljemisnie gaajhkh dej meritevierhtien mietie öörnesuvvieh. Dov meritevierhtiem ryöknoe fïerhten ööhpehtæmman maam ohtsedh jïh jåarhkeskuvlekuvsjh gååvnesieh mah vedtieh lissiepoengh. Bïevnesh maahtoen, veeljemen jïh meritepoengen bïjre gååvnesieh Studera.nu sæjrosne.

Bæjhkoehtimmie

Datne Antagning.se sæjrosne bæjhkohth. Maahtah jienemes 45 jïlleskuvlepoengide fïerhten termijnesne (sïejhme termijne lea 30 jïlleskuvlepoengh). Öörnh dah alternatijvh guktie dah ööhpehtimmieh maam sïjhth lohkedh leah bijjemes.

Jïlleskuvlepryöveme — ih maam akt dassh

Jïlleskuvlepryöveme dutnjien nuepiem vadta ööhpehtimmien sïjse båetedh. Jienemes ööhpehtimmine bieliem sijjijste jïlleskuvlepryövemen illeldahki mietie. Jis maahtoem åtnah jïh jïlleskuvlepryövemem tjaaleme dellie veeljemedåahkan jïlleskuvlepryövemen våaroemisnie. Jis dov vihtiestimmiem jåarhkeskuvleste, åålmehskuvleste jallh komvux:este, aaj vihtiestimmiedåehkesne aaj.

Gaajhkh åadtjoeh pryövemem darjodh, seamma man båeries, otnjege jallh ööhpehtimmiem åtna. Maam daarpesjh darjodh lea bæjhkoehtidh jïh bæjhkoehtimmiemaaksovem 450 kråvnah maeksedh.

Minngemes bæjhkoehtimmiebiejjie

Minngemes bæjhkoehtimmiebiejjie eejnegen goevten 15 b. gïjrepryövemasse jïh skïereden 15 b. tjaktjepryövemasse. Daatoem gosse pryövemem tjaeledh jeatjahtahta.

Lohkh vielie jïlleskuvlepryövemen bïjre

Ålkoelaantesne lohkedh — jienebh jienebh dam darjodh

Ålkoelaantesne lohkedh maahta ovmessie vuekine darjodh, dovne låtnoestudentine jallh freemoverstudentine.

Låtnoeööhpehtimmieh

Jis datne sveerjen universiteetesne maahta låtnoeprogrammesne meatan årrodh (vuesiehtimmien gaavhtan Nordplus jallh Erasmus) jïh Europesne lohkedh. Datne viehkiem åadtjoeh lohkehtimmiem öörnedh dov jïlleskuvleste jïh dov ålkoelaantelohkehtimmieh dov sveerjen eksaamenasse ryöknedh.

Jïjtje öörnemisnie freemoverstudentine

Maahtah jïjtje ööhpehtimmiem ohtsedidh ålkoelaantesne. Daamhtemes dåhkasjahteme jåarhkeskuvleviehtiestimmiem daarpesjh jïh dåhkasjahteme gïeleteestem. Bïeljelh dam universiteetem gusnie sïjhth lohkehtidh jïh bïevnesh åadtjodh mah krïevemh utnieh.

Lohkh vielie ålkoelaantesne lohkedh

Maajhööhpehtimmie — vaeltieh jïlleskuvlem gåatan

Ih daarpesjh vielie fuelhkiem jallh ööhpehtimmiem veeljedh, bieliebarkoem jïh ööhpehtimmiem jallh ålkoelaanteårromem jïh ööhpehtimmiem. Datne gie jïjtjedisiplijnem jïh ïedtjem åtnah maahtah gåabpatjahkh darjodh. Medtie fïerhten gåalmeden learohke maajhööhpehtimmesne lohkedh Sveerjesne.

Daatovre jïh gaskeviermie

Datne daarpesjh daatavaanem jïh hijven gaskeviermiem åtnah. Maahtah sjïere programmine utnedh, webbekameram, mikrofovnem jïh bieljiedïrredh webbetjåanghkojde. Bïevnesh maam daarpesjh åadtjodh jïlleskuvleste.

Learoejarnge

Gååvnesieh maajhööhpehtimmieh gusnie ij gåessegh daarpesjh årrodh. Jis ih sïjhth gåetesne tjahkasjidh jïh lohkedh maahtah vuesiehtimmien gaavhtan learoejarngesne gusnie årroeminie årrodh. Desnie barkijh, daatovrh jïh jeatjah dïrregh gååvnesieh. Muvhth jïlleskuvline ellies ööhpehtimmide learoejarngesne vedtieh. Jïlleskuvle dan bïjre beavna.

Lohkh vielie maajhööhpehtimmiej bïjre

Nasjovnelle unnebelåhkoegïele — dam jïlleskuvlesne gååvnese?

Gååvnese jïlleskuvlem man dïedte fïerhten nasjovnelle unnebelåhkoegïelide. Ööhpehtimmiefaaleldahkh eah dan stoerre. Jienebe reeremesuerkine jeanene jïh dej sisnie saemieh, sveerjesåevmieh jïh torneladtjh stuerebe reaktam utnieh dej gïelem lïeredh jïh utnedh. Dïhte sæjhta jiehtedh daarpoem aarehskuvlelohkehtæjjijste jïh lohkehtæjjijste jeanene gïeh maehtieh nasjovnelle gïeline jïh gïelesne lïerehtidh. Seamma daarpoem gååvnese dejtie gïeh ööhpehtimmiem åådtjeme hoksesne jïh såjhtosne gïeh maehtieh voeresehoksesne barkedh gusnie gïelide soptsestidh.

Upmijen universiteete dam nasjovnelle dïedtem åtna saemien gïelide mohte aaj jeatjah universiteeth jïh jïlleskuvlh maehtieh ööhpehtimmieh utnieh gïeline jallh kultuvrine. Upmije universiteete edtja aaj lohkehtæjjaööhpehtimmine  aelkedh saemiengïelesne jïh saemiengïeline

Lohkh vielie Upmejen universiteeten webbesæjrosne

Lïngkh

Datne jïlleskuvlelohkemasse bæjhkohth Antagning.se sæjrosne

Antagning.se

CSN beavna studijedåarjoen bïjre (dåarjoe jïh lööneme)

CSN

Universitets- och högskolerådet/Universiteeten- jïh jïlleskuvleraerien dïedte webbesæjrojde Antagning.se, Studera.nu jïh Utbyten.se bene aaj vierhtiestimmiem ålkoelaanten ööhpehtimmeste.

 

Universitets- och högskolerådet

 

Universitetskanslersämbetet vierhteste ööhpehtimmieh jïh studenti reaktavihtiesvoetem

Universitetskanslersämbetet

Utbyten.se låtnoelohkemi bijre beavna

Utbyten.se

YH-reereme beavna barkoejïlleskuvleööhpehtimmiej bïjre

YH-myndigheten

Gaavnh maam dutnjien iedtjeles viehkine Hitta yrken på Arbetsförmedlingen

Hitta yrken

Page last updated 2021-02-24